Полковник Методиј Хаџи-Јанев нов аѓутант на претседателот Иванов

Полковникот Методи Хаџи-Јанев, со Указ на претседателот Ѓорге Иванов е унапреден во чин бригаден генерал и назначен за аѓутант на Врховениот командант на вооружените сили на РМ.

Претседателот Иванов со Указ од 4 декември истата година го разрешил бригадниот генерал Мирче Ѓоргоски од должноста аѓутант на Врховниот командант. На негово место е назначен Хаџи-Јанев, кој од август 2015 година е воен аташе во Вашингтон, САД.

Полковник Хаџи Јанев, кој е штипјанец, воената кариера ја минува како офицер на специјалните сили и е ветеран од глобалната војна против тероризмот. Тој служеше како командант на првиот контингент на македонските специјални сили во мисијата Слобода за Ирак. Неговата обемна обука во борбата против тероризмот и неговото искуство во Ирак беа клучни за неговото назначување како висок офицер одговорен за обуката при распоредувањето на македонските специјални сили во Авганистан.

SHARE

LEAVE A REPLY