Рекордни 9 голови во Штип на мечот меѓу Брегалница и валандовска Победa

Вкупно 9 голови ,,паднаа” на денешниот дуел меѓу Брегалница и екипата на Победа од Валандово во рамките на Втората лига Исток. Штипјани, и покрај подмладениот состав со кој настапија, сепак сосем очекувано беа посилни од гостинската екипа, која се наоѓа на последната позиција од второлигашката табела.

Доминацијата Брегалница ја манифестираше преку головите на Боневски во 2 минута, Митров во 40, Наумов во 43 и Ефремов во 45 за 4:0 на крајот од првото полувреме.
Во второто полувреме први со реализација започнаа валандовци со голот на Рајатовски во 57 минута за 4:1. Во 70 за 5:1 биеше Илиев. Пеналот во 75 минута на Брегалница и донесе ново водство од 6:1.
Во 88 минута за 6:2 биеше Тенекеџиев, но натпреварот го затвори Илиев со погодокот за 7:2 во 89 минута, резултат со кој заврши средбата меѓу двата второлигаши.

SHARE

LEAVE A REPLY