95 % од светот дише загаден и штетен воздух !

Повеќе од 95 отсто од светската популација дишат опасно загаден воздух, а населението што живее во земјите во развој има значително поголем ризик, соочувајќи се со двојно полош и небезбеден воздух и во домовите и надвор.

Загадувањето на воздухот е одговорно за 6,1 милиони смртни случаи во 2016 година, со најголемо учество на загадувањето на околината со 4,1 милиони смртни случаи, покажува истражувањето спроведено од Институтот за здравствени ефекти.

Проблемот станува многу полош бидејќи населението на Земјата се урбанизира со голема брзина. Се проценува дека глобалните смртни случаи поврзани со загадувањето на воздухот се зголемени за 19,5 отсто, од 3,3 милиони во 1990 година.

Тоа значи дека загадувањето на воздухот стана четврта највисока причина за смрт од сите здравствени ризици, а го надмина и ризикот на висок крвен притисок, лошата исхрана и пушењето.

Извештајот покажува дека околу 7 милијарди луѓе, односно 95 отсто од населението на Земјата, живеат во области каде што честичките ги надминуваат насоките за квалитет на воздухот дадени од Светската здравствена организација. Исто така, 60 отсто од населението живеат на места каде што честичките ги надминуваат строгите таргети на СЗО за квалитетен воздух.

LEAVE A REPLY